பிரியா பிரகாஷ் வாரியர்
இவர் ‘ஒரு அடார் லவ்' என்கிற மலையாளப் படத்தில் இடம்பெற்ற 'மாணிக்ய
மலராய பூவி' பாடலில் தனது புருவ நெளிப்பு, கண் சிமிட்டல் மூலம் இளைஞர்கள்
மத்தியில் வைரல் ஆனவர் பிரியா பிரகாஷ் வாரியர். அவர் நடித்த அந்த காட்சி சமூக
வலைதளங்களில் வைரலாக பரவியது. இத்தனைக்கும் அந்த படம் இன்னும் ரிலீஸ் கூட ஆகவில்லை
என்பது குறிப்பிடத்தக்கது.
ஒரு அடார் லவ்
உலகம் முழுக்க குறுகிய நேரத்தில் ட்ரெண்ட் ஆன பிரியா
வாரியருக்கு ஒரு அடார் லவ்' படத்தின் மூலம் மார்க்கெட் ராக்கெட் வேகத்தில் ஏறியது.
தெலுங்கு, தமிழ், பாலிவுட் படங்களில் நடிப்பதற்கும் பிரியா வாரியர்க்கு வாய்ப்புகள்
தேடி வருகின்றன. மேலும் சமுக வலைதளங்களில் அவரை பின் தொடர்பவர்களின் எண்ணிக்கை சில
லட்சங்களை தாண்டியது. இதனால் அவரை தமிழ் சினிமாவில் நடிக்க வைக்க முயற்சிகள் நடந்து வந்தன.
சூர்யா படத்தில்
ஏற்கனவே ‘கே.வி.ஆனந்த்’ அடுத்து இயக்கும் நடிகர் ‘சூர்யா’வின்
படத்தில் நடிக்க பிரியா வாரியரை அணுகியதாக பேச்சு அடிபட்டது. ஆனால் அதை
கே.வி.ஆனந்த் திட்டவட்டமாக மறுத்தார். இதனிடையே நடிகர் ‘சித்தார்த்; கேரளா
சென்றிந்தார். அப்போது அவர் நடிகை பிரியா வாரியரை சந்தித்துப் பேசி, அவருடன்
செல்பியும் எடுத்து கொண்டார். இதனால் சித்தார்த் படத்தில் நடிப்பாரா என பேச்சு
அடிபட்டது. ஆனால் அதுவும் பின்னர் வதந்தி என தெரிய வந்தது.
நலன் குமாரசாமி
இப்போது 'சூது கவ்வும்', 'காதலும் கடந்து போகும்' போன்ற வெற்றி படங்களை இயக்கிய இயக்குனர் நலன்
குமாரசாமியின் படத்தில் பிரியா வாரியர் நடிக்கவிருப்பதாகத் தகவல் வெளியாகியுள்ளது.
இதுவும் எந்த அளவுக்கு உண்மை என தெரியவில்லை.
