ராமர்
சினிமாவில் படங்களில் நடிப்பதன் மூலம்
தான் பிரபலம் அடைய முடியும் என்ற பிம்பத்தை உடைத்து சினிமாவை தாண்டி தொலைக்காட்சி
நிகழ்ச்சிகள் மூலமாக பல கலைஞர்கள் தங்களது திறமையை இந்த உலகிற்கு வெளிக்காட்டி
வருகின்றனர்.
என்னம்மா இப்படிப் பண்றீங்களேம்மா
அந்த வரிசையில் ‘விஜய் டிவியில்’
ஒளிபரப்பாகும் ‘அது இது எது’? ‘கலக்கபோவது யாரு’, ‘சிரிச்ச போச்சு’ போன்ற நிகழ்சிகளில் நடிக்கும் ராமர் விஜய் டி.வியின்
மிகவும் முக்கியமான காமெடி நடிகர் ஆவார். 'அது இது எது?'
நிகழ்ச்சியில் 'என்னம்மா இப்படிப் பண்றீங்களேம்மா? போலீஸைக் கூப்பிடுவேன்' என்ற வசனங்களால் அதகளப்படுத்திய மதுரை ராமர் இப்போது தமிழகம்
முழுவதும் பிரபலமான காமெடியன் ஆகிவிட்டார்.
சமூக வலைதளங்களில் அவர் பேசிய இந்த
வசனத்தின் பெயரில் ஃபேஸ்புக் பக்கங்களை ஆரம்பித்து, பலவிதமாகப் கலாய்க்கிறார்கள். இதனால் அதிகம் சந்தோசப்படுவது இந்த
வசனத்தைப் பேசிய மதுரை ராமர்.
அது இது எது
இவர் பலர் தயங்கும் பெண் வேடங்கள்
போட்டு தன்னை தாழ்த்தி மக்களை சிரிக்க வைத்து சந்தோஷப்படுத்தும் ஒரு மாபெரும்
கலைஞன். 20 வருடங்களாக டிவி நிகழ்ச்சிகளில் பங்கேற்றாலும் இவர் அதிகம் ரீச் ஆனது ‘அது இது எது’ நிகழ்ச்சியின் மூலம்தான். சினிமாவிலும்
ஒரு சில படங்களில் தலை காட்டியிருக்கிறார்
சிறந்த காமெடியன்
அப்படி தன்னுடைய காமெடி மூலம்
தமிழ்நாட்டு ரசிகர்களின் ஏகோபித்த ஆதரவை பெற்ற ராமருக்கு பிரபல விஜய் தொலைக்காட்சி
சிறந்த காமெடியன் விருதை கடந்த வாரம் கொடுத்திருக்கிறது. அந்த விருது வாங்கும்
விழாவிற்கு அவர் தனது குடும்பத்தை அழைத்து வந்திருந்தார். மேலும் முதல் முறையாக
தனது குடும்பத்தை வெளியுலகிற்கும் காட்டியுள்ளார்.
