சப்பாத்தி மற்றும் பிரியாணியுடன் சாப்பிட ஒரு சுவையான வெள்ளரிக்காய் தயிர் பச்சடி.
தேவையான பொருட்கள்
- கெட்டித்தயிர் - 1 கப்
- உப்பு – தேவையான அளவு
- சர்க்கரை - 1 ஸ்பூன்
- பிஞ்சு வெள்ளரிக்காய் - 2 கப் ( பொடியாக நறுக்கியது )
- கெட்டி அவல் - 4 ஸ்பூன்
- கேரட் துருவல் - 3 ஸ்பூன்
- கொத்தமல்லித்தழை – 1 கைப்பிடி
- நீளமாக நறுக்கிய வெங்காயம் - 4
அரைக்க
- தேங்காய்த்துருவல் - 1/4 கப்
- பச்சைமிளகாய் – 1
செய்முறை
- முதலில் தேங்காய் துருவலையும் ,பச்சை மிளகாயையும் மிக்சியில் நைசாக அரைத்து எடுத்துக் கொள்ளவும்.
- பின்னர் அவலை சுத்தம் செய்து எடுத்துக் கொள்ளவும்.
- ஒரு பாத்திரத்தில் தயிர், அரைத்த விழுது, அவல் சேர்த்து நன்கு கலந்து கொள்ளவும்.
- பின் பொடியாக நறுக்கியாக வைத்துள்ள வெள்ளரிக்காய் ,கேரட் துருவல்,நறுக்கி வைத்துள்ள வெங்காயம்,சிறிது சர்க்கரை சேர்த்து கிளறி கொத்தமல்லி தழை தூவி பரிமாறினால் சுவையான வெள்ளரிகாய் தயிர் பச்சடி ரெடி.
