சளி, இருமல் தொல்லை இருப்பவர்களுக்கு இந்த சுக்கு தோசை ஒரு சிறந்த வரப்பிரசாதம்.
தேவையான பொருட்கள்
- பச்சரிசி ஒரு கப்
- சுக்குத் தூள் இரண்டு ஸ்பூன்
- புழுங்கல் அரிசி ஒரு கப்
- முழு உளுத்தம் பருப்பு ஒரு கப்
- கெட்டித் தயிர் ஒரு கப்
- மிளகு இரண்டு ஸ்பூன்
- சீரகத் தூள் இரண்டு ஸ்பூன்
- உப்பு தேவையான அளவு
- உளுத்தம் பருப்பு மற்றும் அரிசியை தூசு, கல் நீக்கி களைந்து சுமார் நான்கு மணி நேரம் நன்கு ஊறவைத்து மாவாக அரைத்துக் கொள்ளவும்.
- அரைத்த மாவுடன் தேவையான அளவு உப்பு, தயிர் ஆகிய இவற்றை சேர்த்துப் புளிக்க விடவும்.
- தோசையாக ஊற்றும் சமயத்தில் சுக்குத் தூள், மிளகு, சீரகத் தூள் ஆகிய இவற்றை சேர்த்து நன்கு கலக்கவும்.
- பின்னர் தோசைக்கல்லில் தேவையான அளவு எண்ணெய் தடவி காய விட்டு மாவை ஊற்றி வெந்ததும் திருப்பிப் போட்டு எடுக்கவும்.
- இதோ இப்போது சுவையான சுக்கு தோசை தயார்.
