தோல் நீக்கிய உளுந்தை விட தோல் நீக்கப்படாத கருப்புளுந்து நம் உடலுக்கு அதிக அளவு சக்தியை கொடுக்கிறது.கருப்புளுந்தை உணவில் சேர்த்துக் கொண்டால் மூட்டு வலி,கழுத்து வலி போன்ற வலிகள் ஏற்படாது.
தேவையான பொருட்கள்
- கருங்குறுவை – 1 கப்
- கருப்புளுந்து – ½ கப்
- காய்ந்த மிளகாய் – 4
- பூண்டு – 10 பல்
- ஜீரகம் – ½ ஸ்பூன்
- கடுகு – 1 ஸ்பூன்
- தேங்காய் துருவல் – 1 கப்
- கறிவேப்பிலை – சிறிதளவு
- எண்ணெய் – தேவையான அளவு
- உப்பு – தேவையான அளவு
செய்முறை
- முதலில் கருங்குறுவை அரிசியை 5 முதல் 6 மணி நேரம் ஊற வைத்து கழுவி எடுத்துக் கொள்ளவும்.
- கருப்புளுந்தையும் ஊற வைத்து கழுவி எடுத்துக் கொள்ளவும்.
- குக்கரை அடுப்பில் வைத்து அதில் கருங்குறுவை அரிசி,கருப்புளுந்து இரண்டையும் சேர்க்கவும்.
- பின்னர் அதில் பூண்டு,ஜீரகம்,வெங்காயம்,தேங்காய் துருவல்,உப்பு சேர்த்து தேவையான அளவு தண்ணீர் ஊற்றி 6 விசில் விட்டு இறக்கவும்.
- ஒரு கடாயில் எண்ணெய் ஊற்றி அதில் கடுகு,காய்ந்த மிளகாய்,கறிவேப்பிலை சேர்த்து தாளித்து வேகவைத்த கஞ்சியில் சேர்க்கவும்.
- பின் கொத்தமல்லி தழை தூவி இறக்கினால் சுவையான கருங்குறுவை கருப்புளுந்து கஞ்சி ரெடி.
