பீன்ஸ் நன்மைகள்
பீன்ஸ் கொடி வகையை சேர்ந்த ஒரு காய்கறியாகும். பீன்ஸில் கறுப்பு
பீன்ஸ், கிட்னி பீன்ஸ்,
நேவி பீன்ஸ், பின்டோ பீன்ஸ், சோயா பீன்ஸ், டபுள்
பீன்ஸ் எனப் பல வகைகள் உள்ளன. பீன்ஸில் ஆன்டி
ஆக்ஸிடன்ட்டுகள், புரோட்டின், நார்ச்சத்து, கார்போஹைட்ரேட், வைட்டமின்கள்
மற்றும் கனிமச் சத்துக்களான பொட்டாசியம், ஃபோலேட், காப்பர், இரும்புச்சத்து, மாங்கனிஷ், பாஸ்பரஸ் மற்றும்
மக்னீசியம் இருப்பதால், இது உடலில் ஊட்டச்சத்து குறைபாடு ஏற்படுவதைத்
தடுத்து உடலை ஆரோக்கியமாக வைத்துக் கொள்ள உதவும். மேலும் இதய ஆரோகியதிற்கும் சிறந்தது.
பீன்ஸில் உள்ள சிலிகான் என்னும் கனிமச்சத்து எலும்புகளை
வலுவாகவும், ஆரோக்கியமாகவும் வைத்துக் கொள்ள உதவுகிறது. மற்ற
காய்கறிகளை விட பீன்ஸில் உள்ள சிலிகான் எளிதில் உறிஞ்சப்படுவதோடு, செரிமானமும் அடையும்.
பீன்ஸின் மருத்துவப் பயன்கள்
1. பீன்சை தனியாகவோ அல்லது மற்ற உன்வுகளுடனே கலந்து தினமும் சாப்பிடுபவர்களுக்கு நுரையீரல் பாதிப்பு ஏற்படும் வாய்ப்புகள் கணிசமாக குறையும் என்று ஆய்வுகள் தெரிவிக்கின்றன.
2. 100 கிராம் பீன்ஸில்
நார்ச்சத்தானது 9%
சதவீதம்
உள்ளது. இந்த நார்ச்சத்தானது குடலின் உட்புறச் சுவர்களைப் பாதுகாத்து நச்சுத்
தன்மைகளை வெளியேற்றும் தன்மை கொண்டது. புற்று நோயைக் குணப்படுத்துவதில், பீன்ஸ் அதிகம்
பயன்படுகிறது.
3. பீன்ஸில் வைட்டமின் பி6, தையமின், வைட்டமின் சி, இருப்பதால் உடலுக்கு நோய் எதிர்ப்பு சக்தியைக் கொடுக்கிறது.
4. பீன்ஸில் உள்ள ‘இசோபிளவோன்ஸ்’ எனப்படும் உயிர்சத்து
உடலுக்கு வலுவாக்கும் தன்மை கொண்டது. பீன்ஸ் மூலநோயால் பாதிக்கப்பட்டவர்களுக்கு
சிறந்த உணவாகும்.
5. பீன்ஸில் உள்ள மக்னீசியம் உடலின் வளர்சிதை மாற்றத்தில்
முக்கியப் பங்கு வகிக்கிறது. பொட்டாசியம் இதயத் துடிப்பை சீராக்குகிறது. இரத்த
அழுத்தத்தைக் குறைக்கிறது.
6. பீன்ஸ் புற்றுநோய் செல்களை அழிக்கும் தன்மை கொண்டது. பீன்ஸ் தொடர்ந்து
சாப்பிட்டு வந்தால் அதில் உள்ள ஃப்ளேவோனாய்டுகள் புற்றுநோயை உண்டாக்கும் செல்களின்
வளர்ச்சியை தடுத்து புற்றுநோய் வருவதற்கான வாய்ப்பைத் தடுக்கும்.
7. பீன்ஸ் இரும்புச்சத்தைக் கிரகிக்கும் தன்மை பெற்றது. செரிமான
சக்தியை அதிகரிக்கும். வாயுத் தொல்லையை நீக்கும். பீன்ஸில் உள்ள நார்ச்சத்து
மலச்சிக்கலைப் போக்கும்.
8. இரத்தத்தில் உள்ள சர்க்கரையின் அளவைக் கட்டுக்குள்
வைக்க பீன்ஸ் பெரிதும் உதவுகிறது. ஏனெனில் அதில் உள்ள கார்போஹைட்ரேட் உடலில் மெதுவாக
கரைவதன் காரணமாக, இரத்தத்தில் அளவுக்கு அதிகமாக சர்க்கரை சேர்வதைத் தடுக்கும்.
